صاحب الجنتين

تعرف إن ربنا عمل مقارنة في القرآن بين شخصين واحد غني والتاني فقير
والمقارنة دي فيها عبرة وعظة كبيرة جدا.
القصة اسمها قصة صاحب الجنتين.
بين فقير شاكر وغني كافر بنعمه.
ربنا بيعلمنا من خلالها نشكره على أقل القليل.
وقد إيه الدنيا زايلة وملهاش أي قيمة.
واللي معاك النهاردا لو كتير في لحظة ممكن يروح.
والحكمة في إنك لو غني أو فقير الأهم من كل دا إنك تشكر ربنا.
القصة عظيمة.
وفيها موعظة وحكمة مهمة جدا.
ومن القصص اللي هتأثر فيك وهتغير جواك حاجات كتير.
فأنا عاوزك تركز معايا دقيقتين تفهم الحكاية.
وتحمد وتشكر ربنا.
جاهز
يلا بينا.
القصة يا صديقي هي عبارة عن نقاش أو جدال ورد في القرآن بين اتنين أصحاب واحد فقير والتاني غني وربنا سبحانه وتعالى بين لك أهمية شكره من خلالها.
في سورة الكهف ربنا بيقول لك واضرب لهم مثلا رجلين جعلنا لأحدهما جنتين من أعناب وحففناهما بنخل وجعلنا بينهما زرعا كلتا الجنتين آتت أكلها ولم تظلم منه شيئا وفجرنا خلالهما نهرا.
القصة بتقدم وجهتين نظر مختلفين لمظاهر الحياة وبتشرح التفاوت اللي بين الناس في الرزق والحكمة الربانية بين الغني والفقير.
وجهة نظر إنسان فقير مؤمن ومتوكل على الله عارف إن الحياة ملهاش أي قيمة لو اتقارنت بالآخرة.
والتاني صاحب الجنتين اللي أملاكه فتنته فبقى شايف إن نعيم الدنيا دائم ومفكرش لحظة في الآخرة ربنا رزقه بجنتين وبساتين عظيمة حلوين جدا فيهم من الجمال اللي يخطف العين.
والجنة هنا معناها الحديقة اللي فيها نخل وشجر.
جنتين الراجل الغني ربنا من عليه فيهم بزرع العنب والأشجار والنخيل والراجل من جمالهم اتفتن بيها وبثمارها اللي بتنتجها لأن ربنا سبحانه وتعالى أمر الجنتين دول إنهم يثمروا بفواكة وثمار جميلة تسر الناظرين والطبيعي بعد كل النعم اللي ربنا أنعمها عليه يكون شاكر وحامد لله ولكنه بدل ما يشكره بدأ يتكبر على الراجل الفقير ويقول له أنا معايا فلوس أكتر منك وخير أكبر منك ومخلف أولاد أكتر منك وعندي عزوة كبيرة وكان له ثمر فقال لصاحبه وهو يحاوره أنا أكثر منك مالا وأعز نفرا
الغني مشكرش ولا آمن ولا تصدق ومعملش بتعاليم