ازاي تعرف القهوة بتاعتك مغشوشة ولا أصلية

ازاي تعرف القهوة بتاعتك مغشوشة ولا أصلية؟

في كذا طريقة نحدد بيها إذا كان البن اللي بتستخدمه أصلي ولا لا:
▪️ مثلًا إن الوش اللي بيعمله البن بيبقى طبقة تقيلة وسمكها كبير، بيقع على طول بعد ما تعمل القهوة وبيسيب لون مختلف عن لونها الطبيعي.

▪️كمان طعم القهوة المغشوشة بيكون فيه مرارة مبالغ فيها على عكس مرارة القهوة الأصلية بتكون مرارة مقبولة ولطيفة 

تعالوا أقول لكم ممكن تختبروا اى قهوه ف السوق إزاي 
١- اعصر على البن لمون لو حصل فوران يبقى فيها كربوناتو
٢- حط ميه سخنه بدون تقليب لو تكتل يبقى فيه نشا
٣- تذوق لو مفيش اى مراره يبقى عليها اسبرتام (محلي صناعي)
٤- لو فيها ذرات بيضا بتقرمش يبقى عليها مانع مراره
٥- لو القهوه مبترقدش يبقى عليها محسن قوام
٦- لون القهوه لو تغير للافتح يبقي عليها قمح